As festas grandes de Castelo celebraranse no 2018 entre os días 24 e 26 de agosto, cun programa de actividades que procura responder a dous modelos de festa: o máis tradicional, coa gran churrascada coñecida en toda a nosa comarca que os veciños de Castelo promoven desde hai varias décadas, pero tamén unha nova forma de organizar este tipo de celebracións na que as grandes orquestras perden protagonismo para que o adquiran outras actividades como concertos, andainas, ou espectáculos de monólogos e contadas pola parroquia.